Cloud Camera - Хяналтын цогц шийдэл

June 03, 2016

Та өөрийн бизнес ажил хэргээ өргөжүүлэхийн хэрээр салбар байршлууддаа байнга хяналт тавьж тогтмол мэдээлэл авах шаардлага тулгарч байна уу? Аль эсвэл гэртээ үлдсэн хүүхэддээ санаа зовнин яг одоо юу болж байгаа бол гэж бодоод ажилдаа төвлөрч чадахгүй байна уу? Тэгвэл таны санаа зовнилыг бага зардлаар хялбархан шийдэх орчин үеийн шийдлийг Mogul Vision танд санал болгож байна.

Mogul Vision буюу үүлэн тооцоолол дээр суурилсан камерын хяналтын цогц шийдэл нь камерыг хүссэн үедээ хаанаас ч цаг хугацааны хоцрогдолгүй харах, бичлэг хийж тодорхой хугацаанд хадгалах болон бичлэгээ ухраан харах боломжийг олгодгоороо онцлог давуу талтай. Цаашилбал үйлчилгээний найдвартай байдал болон хяналтын камеруудын тасалдалгүй ажиллагааг хангах зорилгоор мэргэшсэн инженер техникийн ажилтнуудаас бүрдсэн чадварлаг баг төхөөрөмжийн ажиллагааг зайнаас хянаж, мэдээллийг цаг алдалгүй үйлчлүүлэгчдэд хүргэн ажилладаг.

Mogul Vision үйлчилгээний хэрэглэгч болсноор аливаа байгууллага камерын хяналттай холбоотой бүхий л асуудлаа мэргэжлийн байгууллагад даатган үндсэн ажилдаа анхаарлаа хандуулах боломж бүрдэх юм.

ЯМАР Ч ХЭРЭГЛЭГЧ ЭНЭХҮҮ ҮЙЛЧИЛГЭЭГ СОНГОСНООР ӨӨРТӨӨ ДАРААХ ДАВУУ ТАЛУУДЫГ БИЙ БОЛГОДОГ

 

САНХҮҮ ТАЛААСАА

  • ХӨРӨНГӨ ОРУУЛАЛТЫН ЗАРДЛЫГ ХЭМНЭХ, ҮЙЛ АЖИЛЛАГААНЫ ЗАРДЛАА БУУРУУЛАХ: Уламжлалт шийдэлд үйлчлүүлэгч камерын сервер болон шаардагдах дэд бүтцийн хөрөнгө оруулалт хийдэг ба тэдгээрийг дагасан хүний нөөцийн болон түүнд холбогдох бусад зардлыг тогтмол гаргах шаардлагатай болдог. Харин танд санал болгож буй Mogul Vision үйлчилгээ нь камер хариуцсан нэмэлт ажилтан болон сервер, түүнд шаардагдах анхны дэд бүтцийн хөрөнгө оруулалтын зардлыг 50-80% бууруулдаг. Ингэснээр урт хугацаанд тогтмол зардлыг оновчтой хуваарилах замаар хяналтын камер болон түүнтэй холбоотой хэмнэсэн төсвийг үндсэн бизнестээ төвлөрүүлэх боломжийг байгууллагад бүрдүүлдэг. Хэрэглэгч байгууллагуудын дунд уламжлалт шийдэл болон Mogul Vision үйлчилгээний зардлыг харьцуулсан судалгаа хийхэд Mogul Vision үйлчилгээг ашигласнаар анхны хөрөнгө оруулалтын зардлыг дунджаар 80 хүртэл хувиар, системийн найдвартай үйл ажиллагааг ханган ажиллах урсгал зардлыг дунджаар 62 хүртэл хувиар тус тус хэмнэх бүрэн боломжтой гэсэн тооцоолол гарсан.
  • ХЭРЭГЛЭЭНД ТОХИРСОН ТӨЛБӨР: Тухайн байгууллага өөрийн хэрэглээндээ тохируулан Mogul Vision камерын үйлчилгээг сонгон хэрэглэх боломж бүрдэнэ. Өөрөөр хэлбэл Mogul Vision үйлчилгээний багцуудаас өөрийн хэрэглээндээ тохируулан өөрчилж авах боломжтой гэсэн үг.

 

ҮЙЛ АЖИЛЛАГАА ТАЛААСАА

  • Mogul Vision үйлчилгээ нь өөрийн хяналтын камеруудыг интернетээр дамжуулан хаанаас ч харах боломжийг олгодог. Mogul Vision үйлчилгээг хэрэглэж буй байгууллага нь бүх камерыг monitoring system ашиглан хяналт хийж, асуудал гарсан даруйд шуурхай шийдвэрлэж ажиллах боломжтой. Ингэснээр камерын тасалдалгүй ажиллагааг бүрэн хангаж ажиллаж чадна.
  • Камерын хэвийн ажиллагааны талаарх шуурхай мэдээлэх боломж (On, Off)
  • Үйлчилгээний тасалдалгүй, найдвартай ажиллагаа (24/7)
  • Нэгдсэн хяналт Үүлэн тооцоолол дээр суурилсан видео хяналтын үйлчилгээ.

 

НУУЦЛАЛ, АЮУЛГҮЙ БАЙДЛЫН БАТАЛГАА

Mogul Vision системд хэрэглэгчийн мэдээлэл нь хэрэглэгчийн байранд (On-Site) биш манай үндсэн дата центр дээр байрладаг (Hosted) бөгөөд Ай Ти Зон ХХК нь хэрэглэгчийн мэдээлэл болон кибер аюулгүй байдлыг бүрэн хариуцаж дараах 2 түвшинд чанд хамгаалдаг. Үүнд:

БИЕТ БАЙДЛААР

Системийн видео хадгалах үндсэн тоног төхөөрөмжийн Cloud шийдэл нь Монголд хийгдсэн Private Cloud юм. Энэ нь манай үндсэн дата төвд байдаг ба тухайн дата төвд гадны ямар нэгэн хүн нэвтрэх боломжгүй ба 24/7- ийн тогтмол хяналттай байж үйл ажиллагааны хэвийн байдлыг мэргэжлийн сертификаттай инженер техникийн баг байнга хариуцаж ажилладаг.

ИНТЕРНЕТ ОРЧИНД ВИДЕО ӨГӨГДӨЛД ХАНДАХ

Mogul Vision системийн тоног төхөөрөмжүүд нь цахим халдлагаас сэргийлэх дэлхийн хамгийн шилдэг шийдэл болох Fortinet firewall-оор хамгаалагдсан байдаг тул гадны аливаа кибер халдлагаас бүрэн хамгаалагдсан байдаг. Мөн тухайн камерын бичлэг нь серверт хадгалагдахдаа Encryption хийгддэг тул хөндлөнгийн этгээд тухайн бичлэгийг үзэх боломжгүй зөвхөн эрх бүхий хэрэглэгчид системд хандах эрхтэй байх бөгөөд видео файлыг дур мэдэн устгах, өөрчлөх боломжгүй.