Хэрэглэгчдийн зүгээс шинээр гарч буй технологийн боломжийг өдөр тутмын хэрэглээгээ болгоход бүрэн бэлтгэгдсэнийг бид судалгаанаас харж болно. Нөгөө талаас мэдээллийн технологийг эзэмшигч компаниуд төдийгүй, энгийн үйлдвэрлэгч, бизнес эрхлэгчид цахим стратегийг үйл ажиллагаандаа хурдтайгаар нэвтрүүлснээр өрсөлдөөнийхөө дараагийн шатанд гарах нэг хөшүүрэг болох нь дамжиггүй. Цахим нээлтүүд ар араасаа гарч байгаа тохиолдолд технологийн боломж бололцоо, түүнийг хэрэгжүүлэх шаардлага хэзээ ч дуусахгүй. Мөн шинэ тренд хандлагууд хэзээ ч дуусахгүй бөгөөд Мэдээллийн технологийг эзэмшигч компаниуд цахим стратегийг маш хурдан өөртөө хэрэгжүүлж, дараа дараагийн үе шатуудруу хурдан ахих шаардлагатай болж байгаа юм.

ӨӨРЧЛӨЛТИЙГ ТЭВЭР

Ирээдүй бартаа, даваагаар дүүрэн байдаг ч нөгөө талдаа биднийг шинэ түвшинд гарах боломжоор дүүрэн байдаг. Хүн болоод технологи хоорондын харилцаа нь илүү нягт уялдаатай болж, өөрчлөлтийг төсөөлөх хүлээлт ч мөн өөрчлөгдсөөр байна. Иймд өөрчлөлтийн тодорхойгүй байдлаас зайлсхийх бус, өөрчлөлтийг “тэвэрч”, гүнд нь буй боломжийг нь бизнес загвартаа ашигласнаар бид шинэ түвшинд гарах түлхүүрээ олох аж. Ялангуяа өндөр өрсөлдөөнтэй байдаг эцсийн хэрэглэгчдийн зах зээлд ажилладаг байгууллагуудын хувьд трендийг цаг алдалгүй барьж, дагаж байхын тулд удирдлагын баг төдийгүй, үндсэн функц дэх менежерүүдтэй хамт “цахимлаг бизнес” сэтгэлгээний эрин үе рүү хувьсан орох шаардлагатай. Энэхүү шилжилтэд баримталж болохуйц дараах стратеги, бодлогуудыг “Гартнер” мэдээллийн технологи, судалгааны байгууллагаас санал болгож байна.

1. Хайлтын систем.  2021 он гэхэд Визуал болон хоолой таньж хайлт хийх хандлага нэмэгдэж, орлогыг 30% нэмэгдүүлнэ. Үүнээс харахад байгууллагын бүхий л мэдээ мэдээлэл, түлхүүр үгнүүд, маркетингийн сувгийн удирдлагыг энэ технологид тулгуурлан чиглүүлэх нь ашигтай болж байна.
2. Уналт.  2020 он гэхэд 7 том компани болгоны 5 нь жам ёсны өөрчлөлтөд өртөж, уналтад орох нь тодорхой болсон байна. Энэ нь уламжлалт бодлого стратеги “ажиллахаа” больж байгаагийн илрэл юм.
3. Блокчэйн.  2020 он гэхэд Банкинд 1 тэрбум крипто валют үүсэх таамаглал байна.
4. Итгэл. 2022 он гэхэд үнэн мэдээллээс илүү худал мэдээлэл 50% өснө. AI 2020 он гэхэд жинхэнэ эсвэл хуурамч нь мэдэхэд хэцүү олон тооны хиймэл оюун ухаан бий болно.
5. AI BOT. 2021 он гэхэд мобайл аппликейшны өсөлтөөс 50%-иар илүү “Бот” хөгжүүлэлт хийгдсэн байх болно.
6. Talent. Олон талын мэдээллийн технологийн чадвартай хүн төвт ажил үүргүүд бий болно.
7. AI. 2020 он гэхэд 1.8 сая ажлын байр байхгүй болж оронд нь шинээр 2.3 сая ажлын байр нэмэгдэнэ.
8. IoT. 2020 он гэхэд нийт шинээр гарч буй бүтээгдэхүүний 95% нь IoT буюу интернеттэй холбоотой төхөөрөмж, функцтэй болно.
9. Security.  2020 он гэхэд нийт IoT хамгаалалтын шийдлийн тал хувь нь зөвхөн IoT төхөөрөмж, өгөгдлийг нөхөн сэргээхэд зориулагдана.

Эх сурвалж: https://www.gartner.com/technology/research/predicts/