Dell Technologies компани, Монгол дахь албан ёсны түнш Ай Ти Зон болон Саммит Компьютер Технологи компаниудтай хамтран жил бүр зохион байгуулдаг Tech Symposium Mongolia 2026 арга хэмжээ 9 дүгээр сарын 14-нд Улаанбаатар хотноо болно.
10 дахь жилдээ зохион байгуулагдаж буй тус арга хэмжээгээр байгууллагууд хиймэл оюун ухааныг бодит үйл ажиллагаандаа нэвтрүүлэхэд ямар технологийн суурь шаардлагатай болох, өгөгдөл болон мэдээллийн аюулгүй байдлаа хэрхэн хангах талаар хэлэлцэнэ. Мөн AI-ийн хөгжлийн дэлхийн чиг хандлага, байгууллагуудын бодит хэрэглээний туршлагыг танилцуулах юм. Арга хэмжээнд 300 гаруй бизнес, төр, олон нийтийн байгууллагын төлөөлөл, мэдээллийн технологийн мэргэжилтэн, шийдвэр гаргагчид болон дээд түвшний удирдлагууд оролцохоор төлөвлөж байна.
AI шийдлийг байгууллагын үйл ажиллагаанд нэвтрүүлэхэд зөвхөн програм хангамж, платформ сонгох нь хангалтгүй болж байна. Найдвартай өгөгдөл, тооцоолох хүчин чадал, хадгалалт, сүлжээ болон мэдээллийн аюулгүй байдлыг харилцан уялдаатайгаар бүрдүүлэх шаардлагатай. Энэхүү суурь дэд бүтэц хангалтгүй бол AI-ийн хэрэглээг туршилтын түвшнээс байгууллагын өдөр тутмын үйл ажиллагаанд нэвтрүүлэхэд хүндрэл үүсэх эрсдэлтэй.
Энэ хүрээнд Tech Symposium Mongolia 2026 арга хэмжээгээр Sovereign AI, Dell AI Enterprise платформ, agentic AI, автоматжуулалт болон AI-д бэлэн дэд бүтэц зэрэг сэдвийг хэлэлцэхээс гадна кибер аюулгүй байдал, өгөгдөл хадгалалт, сервер, сүлжээ болон дижитал ажлын орчны шийдлүүдийг танилцуулна. Мөн эдгээр технологийг байгууллагын бизнесийн хэрэгцээ, бүтээмж, өсөлттэй хэрхэн уялдуулах талаар олон улсын экспертүүд туршлага, мэдээллээ хуваалцах юм.
Арга хэмжээний онцлох хэсгүүдийн нэг нь Dell Technologies компанийн “Customer Zero” туршлага байна. Dell Technologies компани өөрийн байгууллагад хиймэл оюуныг нэвтрүүлэх явцад тулгарсан сорилт, тэдгээрийг шийдвэрлэсэн арга барил болон олж авсан сургамжаа хуваалцана. Ингэснээр оролцогчид AI-ийн хэрэглээг зөвхөн технологийн шийдлийн түвшинд бус, байгууллагын бодит туршлага, хэрэгжүүлэлтийн өнцгөөс авч үзэх боломжтой.
Хиймэл оюуны хэрэглээ өргөжихийн хэрээр байгууллагуудын ашиглаж буй өгөгдлийн хэмжээ, түүнийг боловсруулах хэрэгцээ нэмэгдэж байна. Ялангуяа банк, харилцаа холбоо, уул уурхай, төрийн үйлчилгээ, боловсрол зэрэг салбарт өгөгдлийг хурдан боловсруулахын зэрэгцээ найдвартай хадгалах, хамгаалах шаардлага улам бүр чухал болж байна.
Ийм нөхцөлд технологийн хөрөнгө оруулалтыг зөвхөн өнөөдрийн хэрэгцээг шийдэх хэмжээнд төлөвлөхөөс илүүтэйгээр цаашид нэмэгдэх өгөгдлийн хэмжээ, хэрэглэгчийн тоо, аюулгүй байдлын шаардлага болон шинэ технологи нэвтрүүлэх боломжийг урьдчилан тооцох шаардлагатай. Өнөөдөр сонгож буй технологийн дэд бүтэц нь байгууллагын ирээдүйн хэрэгцээг дэмжихийн зэрэгцээ шинэ технологийг уян хатан нэвтрүүлэх боломжийг бүрдүүлэх нь чухал юм.
Dell Technologies компани Монгол дахь түнш, дистрибьютер байгууллагуудаараа дамжуулан дэвшилтэт технологийн бүтээгдэхүүн, шийдлүүдээ Монголын зах зээлд хүргэж ирсэн. Үүний зэрэгцээ сүүлийн 10 гаруй жилийн хугацаанд Symposium, Bootcamp зэрэг арга хэмжээг тогтмол зохион байгуулж, Монголын технологийн салбарын инженер, мэргэжилтнүүдтэй дэлхийн технологийн шинэ чиг хандлага, олон улсын туршлага, ноу-хаугаа хуваалцсаар байна.
AI-ийн боломжийг бодит үр дүн болгон хэрэгжүүлэхэд технологийн зөв сонголт, найдвартай дэд бүтэц, бодит хэрэглээний туршлага чухал. Эдгээрийг нэг дороос танилцуулж, Монголын байгууллагууд AI болон дижитал шилжилтийн дараагийн алхмаа хэрхэн тодорхойлох талаар хэлэлцэх талбар нь Tech Symposium Mongolia 2026 арга хэмжээ байх болно.
Арга хэмжээний дэлгэрэнгүй мэдээллийг: https://tech-symposium.mn/