Huawei болон ITZONE компани нь CIO Club Mongolia-тай хамтран технологийн салбарын удирдлагуудын дунд “CIO Connect with Huawei” уулзалтыг 2026 оны 9-р сарын 8-нд амжилттай зохион байгууллаа.   

Энэ удаагийн уулзалтаар байгууллагуудын IT хөгжлийн ирээдүйн чиг хандлага, хиймэл оюуны шинэ үеийн боломж болон найдвартай, ухаалаг IT дэд бүтцийг бүрдүүлэх шийдлүүдийн талаар мэдээлэл, туршлага солилцлоо. 

Уулзалтын үеэр Huawei-ийн зүгээс байгууллагын технологийн орчинд хурдацтай нэвтэрч буй Agentic AI, автономит болон уян хатан IT дэд бүтэц, ухаалаг сүлжээний шийдлүүдийн талаар танилцуулсан юм.

Тухайлбал, Agentic AI-ийн хүрээнд хиймэл оюун ухаан зөвхөн мэдээлэл боловсруулах, асуултад хариулах түвшнээс цаашилж, тодорхой зорилго, даалгаврыг ойлгон, шаардлагатай үйлдлүүдийг дараалалтайгаар гүйцэтгэх боломжийн талаар танилцууллаа. Huawei-ийн enterprise-grade AI agent шийдэл нь байгууллагын өгөгдөл, мэдлэг болон бизнесийн процессуудтай уялдан ажиллаж, олон agent-ийг хамтран ашиглах, илүү нарийн төвөгтэй даалгаврыг автоматжуулах боломжийг олгодгоороо онцлог юм.  

Мөн Autonomous & Resilient Infrastructure сэдвийн хүрээнд IT дэд бүтцийг илүү автоматжуулсан, ухаалаг болгох, найдвартай ажиллагааг хангах шийдлүүдийг онцоллоо. Байгууллагуудын технологийн орчин улам бүр нарийн төвөгтэй болж буй өнөө үед дэд бүтцийн тасралтгүй ажиллагаа, уян хатан байдал болон эрсдэлийг бууруулах боломж нь бизнесийн тогтвортой үйл ажиллагааны чухал хэсэг болж байна. 

AI болон дижитал шилжилт байгууллагуудын технологийн стратегид улам бүр чухал байр суурь эзэлж байгаа энэ үед IT дэд бүтцийг зөвхөн өнөөгийн хэрэгцээнд нийцүүлэхээс гадна ирээдүйн технологийн өөрчлөлтөд бэлэн байлгах шаардлага нэмэгдэж байна.  

Энэ удаагийн уулзалтыг дэмжин оролцсон Улаанбаатар төмөр зам ХНН-ийн зүгээс оролцогчдыг Улаанбаатар төмөр замын түүхийн музейгээр зочлуулж, Монголын төмөр замын түүх, хөгжилтэй танилцах боломжийг бүрдүүлсэн юм. 

CIO Club Mongolia нь байгууллагын CIO болон стратегийн түвшинд шийдвэр гаргадаг технологийн удирдах түвшний мэргэжилтнүүдийг нэгтгэсэн клуб бөгөөд гишүүдийнхээ хооронд мэдлэг, туршлага, үзэл бодлоо хуваалцах, технологийн хөгжлийн асуудлаар харилцан санал солилцох, мэргэжлийн харилцаа холбоогоо өргөжүүлэхэд чиглэдэг. Энэ хүрээнд зохион байгуулагддаг уулзалтууд нь шинэ технологийн чиг хандлагыг хэлэлцэхийн зэрэгцээ удирдлагуудын харилцан туршлага солилцох боломжийг бүрдүүлдэг.  

Ийнхүү “CIO Connect with Huawei” уулзалт нь байгууллагын технологийн удирдлагуудыг AI болон шинэ үеийн IT дэд бүтцийн шийдлүүдтэй танилцуулахын зэрэгцээ технологийн хөгжлийн өнөөгийн чиг хандлага, цаашдын боломжийн талаар нээлттэй санал солилцсон уулзалт боллоо.