Яг нарийн тооцвол 28971 хүн “ICT Expo 2015” үзэсгэлэнг үзжээ. Бас хэн хэдэн цагт орсон, хэдэн цагт гарсныг ч харж болох хүн тоолох програмыг үзэсгэлэнгийн үеэр Ай Ти Зон компани суурилуулсан байна. Үзэсгэлэн нийт тав хоног үргэлжилсэн бөгөөд эхний өдөр буюу 5-р сарын 21-ны өдрийн нээлтийн арга хэмжээг 4000 орчим хүн үзсэн байна. Харин ням гарагт \5-р сарын 24\ 7800 орчим хүн үзэсгэлэнг үзсэнээрээ хамгийн олон үзэгчтэй өдөр байжээ. Үзүүштэй олон шилдэг шийдлийг танилцуулж нүд сэргэж, чих дэлдийм сонин сайхныг дэлгэн харуулж чадсан учраас амралтын цагаасаа хумслан технологийн салбарын хөгжлийг олон мянган хүн сонирхжээ.

Энэ бол Ай Ти Зон компанийн суурилуулсан Vivotek IP камер болон Aimetis хүн тоолох програм бөгөөд Мишээл экспо төвийн үзэсгэлэнгийн танхимд орсон, гарсан хүний тоог програмын аргаар гаргасан нь энэ юм. Олон нийтийн арга хэмжээнд дүн шилжингээ хийх, үйлчилгээний болон төрийн байгууллагад үйлчлүүлэгчийн байдлыг ажиглах, худалдааны төвийн үйлчлүүлэгчийн тоо гаргах зэрэг хүний тоо гаргах шаардлагатай бүхий л салбарт ашиглаж болох програм юм. Aimetis програмын хянасан мэдээлэлд үндэслэн тайлан мэдээ гаргаж болох бөгөөд үүнийг зургаар болон Exсel, Word, PDF хэлбэрээр гаргах боломжтой юм байна.