Ай Ти Зон компанийн Remote Office болсон туршлага

March 10, 2020

Жилийн өмнө байгууллагуудын хувьд ажилтнуудаа зайнаас, гэрээс нь ажиллуулах талаар тайлбарлах үед ихэнх нь төдийлөн яарахгүй, богино хугацаандаа хэрэггүй гэж дүгнэж байсан. Уламжлалт хэв маягаа эвдэх нь магадгүй цаг хугацаа, мөнгө их зарцуулах хэдий ч бид ямар ч нөхцөлд бэлэн байх хэрэгтэй гэдгийг өнөөгийн нөхцөл байдал харуулж байна.  

Олон улсад тархаад буй шинэ төрлийн Корона вирус буюу Covid-19 нь бидэнд олон зүйлсийг хэвшил болгохыг шаардаж байна. Бусдын өмнө хариуцлагатай байх буюу тогтмол амны хаалт зүүж, ариун цэврийн чанд сахихын зэрэгцээ байгууллагынхаа өмнө цаашлаад улс орныхоо эдийн засгийн өмнө ч мөн хариуцлагатай байхыг ойлгуулж байна. Байгууллага, улс орныхоо эдийн засгийн өмнө хариуцлагатай байна гэдэг нь “Та болон таны байгууллага ямар ч нөхцөлд ажлаа хэвийн явуулдаг байх боломж”-ийг бий болгон ажиллах юм. Үүнийг олон улсад “Remote Office” гэж тодорхойлдог.  

Remote Office гэж юу вэ?

Remote Office буюу ажлаа гэрээсээ болон өөрийн бүтээмжтэйгээр хийж болох хаанаас ч хийх арга барил юм. Байгууллагын оффисын тогтмол зардал, ажилтнуудын бүтээмжийн бууралт, IoT болон ухаалаг хэрэгслийн хөгжил, байгууллагын өдөр тутмын давтамжит ажлуудыг хялбарлах шийдлүүд, онлайн outsourcing зэрэг нь дээрх арга барилыг дэлгэрүүлэх нөхцөлийг бүрдүүлсэн. Owl Labs болон TINYPulse-н “State of Remote Work” тайланд байгууллага ажилтнуудаа Remote байдлаар ажиллуулахад хүний нөөцийн урсгал Remote биш байгууллагаас 25%-иар бага гэж гарсан. Мөн тус тайлан Remote ажиллагсдын 71% нь ажилдаа сэтгэл хангалуун байдаг гэж тодорхойлсон.  

Ай Ти Зон компанийн хувьд 2 жилийн өмнөөс эхлэн дээрх боломжийг бүрдүүлэх ажлыг эхлүүлсэн бөгөөд өдгөө бүрэн Remote буюу ямар ч нөхцөлд асуудалгүй гэрээсээ ажиллах болсон.   

 

Хэрхэн эрүүл, аз жаргалтай ажилтнуудтай Remote Office болох вэ?  

Ажлаа хүссэн газраасаа хийхийн тул бид хамгийн түрүүнд байгууллагын КЛАУД ДЭД БҮТЭЦ-г бэлтгэх шаардлагатай. Энэ нь та гар утас, компьютер, таблет гээд интернэтэд холбогдож болох ухаалаг төхөөрөмжөө ашиглан хаанаас ч хандан ажиллах нөхцөлийг бүрдүүлэх дэд бүтэц юм. Энэ нь та энгийн и-мэйл илгээхээс эхлээд багийн хурлаа хийх, байгууллагынхаа мэдээллийн сангаас мэдээлэл авах, гүйцэтгэлээ үнэлүүлэх, цалингийн мэдээллээ авах, байгууллагын борлуулалт, үр ашгийн мэдээллээ real-time байдлаар хянах, төлбөр, нэхэмжлэх авах, илгээх зэрэг бүгдийг нь онлайнаар хийх зэрэг юм.  Ай Ти Зон компанийн Remote Office-г амжилттай нэвтрүүлэхэд тус болсон ДЭД БҮТЭЦ-н шийдлүүдийг хуваалцъя.  

1. Оффисын хэрэглээний багц шийдэл О365 

Та бидний хэрэглэж заншсан Майкрософт Оффис программ нь цар хүрээгээ тэлж өдгөө хаанаас ч, хэзээ ч харилцаа холбоо, хамтын ажиллагааг хурдтайгаар, өндөр бүтээмжтэйгээр удирдан явуулах дижитал ажиллах орчныг бүрдүүлэх болно. Үүнд: Өөрийн домэйн дээрх и-мэйл сервер Хэрэглэгч бүрд 50GB мэйл хадгалах сан бүхий Outlook и-мэйл, Нэгдсэн нэг цэгээс байгууллагын дотоод мэдээлэл болон шаардлагатай баримт бичгийг хуваалцаж дата сан үүсгэх боломж бүхий Sharepoint, Дотоод мессенжер, шуурхай зурвас , 250 хүртэлх хүн видео/аудио хурал Алсаас дэлгэцийг удирдах, хуваалцах Файл шэйрлэж, танилцуулга хийх Teams,  Хэрэглэгч бүрд 1TB файл хадгалах сан Файлыг 30 хоногийн хугацаанд сэргээх болон олуулаа нэг файлыг нэгэн зэрэг засах, гар утас, таблетаас файлаа нээх, удирдах боломжтой OneDrive, ажилтан бүр ажлаа төлөвлөх боломж Ажлын тайлан, нэгтгэл, нэгдсэн график Гүйцэтгэлийн үнэлгээ, нэгдсэн тайлан Үйлдэл бүрийг и-мэйлээр санамж илгээх тохиргоотой Planner зэрэг оффисын хэрэглээний бүх харилцааг зохицуулах олон боломжуудтай.  

2. Өгөгдлийн уурхай Green ERP 

ERP систем гэдэг нь үнэн бодит, хугацааны хоцрогдолгүй, уялдаа холбоо бүхий нэгдсэн мэдээлэл бүрдүүлэх хамгийн чухал багаж хэрэгсэл юм. Энэхүү нэгдсэн мэдээллээс хэрэглэгчээ, нийлүүлэгчээ илүү таньж мэдэх, бараа материалынхаа талаар гэх мэт өөрт шаардлагатай бүгдийг мэдэх боломжтой. Ай Ти Зон компанийн хувьд Green ERP системийг ашиглан 1872 төрлийн хоорондоо уялдаа холбоо бүхий нэгдсэн өгөгдлийг бүрдүүлж чадсан бөгөөд үүн дээрээ өгөгдлийн олборлолт хийх зорилгоор 40 гаруй дашбоард тайланг хийж бизнесийн үйл ажиллагаандаа ашиглаж байна. 

3. Өгөгдөл нэгтгэл дүрслэл TableauTalend 

Байгууллагын хэмжээнд хуримтлагдаж буй өгөгдлүүдийг ажилтан бүрд ойлгомжтой хүртээмжтэй байдлаар хүргэх, мэдээллийн хэлбэр, хэмжээнээc үл хамааран бүх төрлийн өгөгдлийг түргэн хугацаанд боловсруулж, задлан шинжлэх боломжтой Tableau BI платформ нь танай байгууллагын ажилтнуудыг гэрээсээ хурдтай, өндөр гүйцэтгэлтэйгээр ажиллах боломжийг олгоно. 

4. Хамгаалалт аюулгүй байдал  

Мэдээж хэрэг та онлайнаар буюу клауд орчинд ажиллана гэдэг нь аюулгүй байдлын маш сайн хангах шаардлагатай. Тийм учраас клауд орчинд хамгийн сайн хамгаалалт болж чадах FortinetSophos шийдлүүдийг санал болгож байна. Тус шийдлүүдийн хувьд аюулгүй байдлын зах зээлд дэлхийд тэргүүлж, ОУ-н судалгааны байгууллагуудаар итгэмжлэгдсэн шийдлүүд юм.   

Таны Дижитал Аяллын Итгэлт Түнш “Ай Ти Зон” компани.  

 

Г. Цэнгэл

Контент АрхитектурчБайгууллага болон хэрэглэгчдэд зориулсан мэдээллийн технологийн контент бүтээх, дижитал контент хариуцсан менежер