Hyperconverged дэд бүтэц: HPE Simplivity-н танд өгөх 4 үнэ цэнэ

May 21, 2020

Байгууллагуудын хувьд Дижитал шилжилт хийх болон виртуал орчинд сүлжээгээ өргөтгөх боломжийг олгох гол шийдэл бол Hyperconverged дэд бүтцийн шийдэл юм. Энэхүү шийдэл нь байгууллагын уламжлалт техник, төхөөрөмжүүдийн үйл ажиллагааг программ хангамжийн функц болон нэгтгэж, нэгдсэн удирдлагаар удирдах боломжийг олгодог. Энгийнээр бол энэ нь та цаасан захидлаас цахим зурвас руу шилжихтэй ижил гэж тодорхойлж болно. Цаасан захидлаас, цахим зурвас нь хэд дахин хурдан, уян хатан олон давуу тал, боломжуудыг өгөх талаар сайтар бодвол магадгүй дэд бүтцийн шийдлийг хэр чухал вэ гэдийг та олох болов уу.

Тэгвэл энэ төрлийн шийдлээр тэргүүлэгч HPE компанийн SimpliVity шийдлийг сонговол танд өгөх бодит 5 үнэ цэнийг танилцуулъя.

1. Мэдээллийн технологийн нэгжийн хийх ажлыг хялбаршуулна

HPE SimpliVity шийдэл нь уламжлалт мэдээллийн технологийн дэд бүтцийн тооцоолох, хадгалах, өгөгдлийн аюулгүй байдлыг хангах зэрэг функцүүдийг VM(Virtual Machine)-д төвлөрсөн интерфейс бүхий нэгдсэн байдлаар ганцхан төхөөрөмжөөс удирдах, өргөтгөх боломжийг олгодог. Ингэснээр байгууллагын тань мэдээллийн технологийн нэгж дээр хийгддэг ажлууд хялбарчлагдаж, нэгжийн чадавхыг нэмэгдүүлж ажилтны бүтээмжийг 53% хүртэл нэмэгдүүлдэг.

2. Хурдтай ажиллагаа

HPE SimpliVity нь бусад hyperconverged шийдлүүдээс ялгаатай нь 2 нодын түвшинд өндөр хурдтай ажилладаг бөгөөд байгууллагын хэрэгцээ хэчнээн нэмэгдсэн ч өргөтгөх бүрэн боломжтой шийдэл юм. Нэг кластерт 16 нод хүртэл/ нэг холбоонд 96 нод хүртэл өргөтгөх боломжтой. Томоохон ROBO орчинд нэг холбоонд 48 кластертай байна. Үүнээс гадна байгууллагынхаа VM орчинд VMWare интерфейсийг ашиглан хялбар бөгөөд хурдан удирдах боломжтой. Мөн та байгууллагынхаа дата төв, салбар нэгжүүдтэй холбоотой дата ганцхан интерфейс ашиглан бүрэн удирдах боломжийг олгодог.

3. Үр ашигтай

HPE SimpliVity шийдлийн хувьд байнгын ажилладаг deduplication болон компресс хийх технологийг өөртөө агуулсан. Мөн үүн дээр Hyper-efficient технологитой бөгөөд үүний үр дүнд аппликейшнийн  гүйцэтгэлийг нэмэгдүүлж, сторэйж буюу багтаамж эзлэлтийг 90% хүртэл бууруулдаг. Үүний зэрэгцээ HPE Infosight платформын тусламжтай  холбоо, багц, нодын түвшинд өнгөрсөн хугацааны багтаамж ашиглалтын мэдээлэл дээр суралцан, ирээдүйн тренд болон таамаглал зэргийг хийх боломжийг олгох хиймэл оюун ухаанд суурилсан платформтой.

4. Өгөгдөл хамгаалалт

Мэдээж хэрэг өгөгдөл хамгаалалт бол мэдээллийн технологийн аль ч шийдлийн хувьд хамгийн чухал зүйл билээ. Тэгвэл HPE SimpliVity нь өөртөө өгөгдөл хамгаалалтын backup, deduplication технологитой бөгөөд Data efficiency нэмэгдсэнээр on-prem болон клауд аль ч орчинд backup-г маш хурдан буюу VM-н 1 терабайт өгөгдлийг ердөө 1 минутад хийдэг. Ингэснээр танай байгууллагын хувьд өгөгдлийн хэмжээ хэр их байхаас үл хамааран хурдан хугацаанд ажиллаж өгөгдлийн тань аюулгүй байдлын бүрэн хангана гэсэн үг. Мөн HPE SimpliVity нь хамгийн эмзэг, чухал (HIPAA, Sarbanes-Oxley, харилцагчдын хувийн мэдээлэл, санхүүгийн мэдээлэл) өгөгдлүүдийг HPE Secure Encryption-ы тусламжтай нууцлан аюулгүй байдлыг хангадаг.

Г. Цэнгэл

Контент АрхитектурчБайгууллага болон хэрэглэгчдэд зориулсан мэдээллийн технологийн контент бүтээх, дижитал контент хариуцсан менежер