БАРИЛГА ЭКСПО ДЭЭР ЮУ ХАМГИЙН СОНИРХОЛТОЙ БАЙВ?

Нийтэлсэн: 2018.04.30 | |

Монголын барилгын салбарын хамгийн том үзэсгэлэн энэ сарын 28-с эхлэн Мишээл экспо дээр гарч эхэлсэн. Энэхүү үзэсгэлэн дээр маш олон Монгол инженер залуусын бүтээл, хэмнэлттэй шийдлүүд гарсан байна. Тэр дундаас хамгийн сонирхотой нь Мэдээллийн технологи, IT шийдлүүд хэдийн барилгын салбар луу нэвтэрч эхэлсний харж болох аж.

Сонирхолтой #1 Хүн тоолдог камер

Барилга Экспод нийтдээ 15696 хүн ирсэн гэсэн тоо байна. Хүн тоолдог камерын тусламжтайгаар хэн хэдэн цагт орсон, хэдэн цагт гарсныг ч харж болох бөгөөд энэхүү камерыг Ай Ти Зон компанийн автоматжуулалтын инженер залуус суурилуулж өгчээ.  

Олон нийтийн арга хэмжээнд дүн шилжингээ хийх, үйлчилгээний болон төрийн байгууллагад үйлчлүүлэгчийн байдлыг ажиглах, худалдааны төвийн үйлчлүүлэгчийн тоо гаргах зэрэг хүний тоо гаргах шаардлагатай бүхий л салбарт ашиглаж болох програм юм. Aimetis програмын хянасан мэдээлэлд үндэслэн тайлан мэдээ гаргаж болох бөгөөд үүнийг зургаар болон Exсel, Word, PDF хэлбэрээр гаргах боломжтой юм байна.  

Cонирхолтой #2 Барилгын автоматжуулалт

Технологийн эрин үед Барилга хүртэл бүрэн автоматажсан, ухаалаг болох боломжтой болжээ. Эдгээр автоматжуулалтын шийдлүүд нь оффисын барилгын автоматжуулалт, Гэрийн автоматжуулалт, Хотхоны автоматжуулалт, Үйлчилгээний барилгад зориулсан автоматжуулалт гэсэн маш олон төрөлтэй байдаг юм байна.

Барилгын автоматжуулалт хийлээ гэхэд хөрөнгө оруулсан мөнгөө 3-5 жилийн дотор ус, тог, засварт гарах зардлыг хэмнэж нөхдөг гэнэ. Ашигтай биз.

Сонирхолтой #3 Дулаан мэдрэгч камер

Барилгад зайлшгүй байх ёстой нэг бүрэлдэхүүн болсон хяналтын камерын өөр нэгэн технологийг энд танилцууллаа. Энэхүү хяналтын камер нь дулаан мэдрэгчтэй камер бөгөөд маш том талбайтай объект барилгад өнцөг булан бүрт ямар нэг хүн байгаа эсэхийг тогтоодог, барилгын аль хэсгээр илүү их хөдөлгөөнтэй байдгийг мөн харах боломжтой юм байна.

Сонирхолтой #4 СӨХ-ийн нэгдсэн програм хангамж

Барилга, орон сууц зах зээлд дээр үнэ цэнэтэй, эрэлт ихтэй байхын тулд оршин суугчдын тав тухыг хангасан систем, харилцаа холбоотой байх хэрэгтэй байдаг. Энэ нь зайлшгүй барилга, СӨХ, иргэн 3-ыг холбосон, мэдээлэл солилцдог, систем байх шаардлагатай болж байна.

Энэхүү үзэсгэлэнд танилцуулж байсан СӨХ-ийн нэгдсэн систем гэдэг нь айл бүрт байх бөгөөд байрныхаа нөхцөл байдал, дулаан, усны төлбөрөө нарийвчлан харах, дулаан, ус аа өөрөө тохируулах, СӨХ-ийн ажилд шууд саналаа хэлэх, ажилд нь хяналт тавих боломжийг олгодог аж. Нэг ёсондоо бүх зүйл ил тод.

Сонирхолтой #5 Европ стандарт Монголд

Дэлхийн цахилгаан хангамж, тоноглолын хамгийн том брэнд Schneider Electrics Монголд DEKraft охин брэндээ албан ёсоор нэвтрүүлсэн юм байна. Энэхүү цахилгаан автомат, тоноглолууд нь цахилгааны аюулгүй байдал, эрсдэлээс найдвартай хамгаалдгаараа Орос, Герман орнуудад хэдийн танигдсан аж.

Аюулгүй байдлын автоматжуулалтын мэргэжилтэнтэй холбогдох бол энд дарж мейл илгээнэ үү

 

Үндсэн цэс